ప్రాజెక్టు పని – 3
వానకాలాన్ని వర్ణించే పాటలపై నివేదిక
1. ప్రాథమిక సమాచారం
ప్రాజెక్టులో పాల్గొన్న విద్యార్థి పేరు: ........................................
తరగతి: 6వ తరగతి
సెక్షన్: ( )
క్రమసంఖ్య: ( )
2. సమాచార సేకరణ విధానం
అంతర్జాలం నుండి సేకరణ
3. సంక్షిప్త వివరణ
వర్షం ప్రకృతికి ఎంతో ముఖ్యమైనది. మనిషి జీవించడానికి అవసరమైన నీటికి వర్షమే ప్రధాన ఆధారం. ముఖ్యంగా రైతుల జీవితం వర్షాలతో ఎంతో ముడిపడి ఉంటుంది. వర్షాలు కురిస్తే పొలాల్లో పంటలు పండుతాయి. చెరువులు, కుంటలు, వాగులు నీటితో నిండుతాయి. పశువులకు, పక్షులకు, మనుషులకు నీరు లభిస్తుంది.
ఈ ప్రాజెక్టులో భాగంగా రెండు వానపాటలను సేకరించాను. మొదటి పాట “వానమ్మ వానమ్మ”. ఇందులో వర్షం కోసం ఎదురుచూస్తున్న రైతు ఆవేదన వ్యక్తమవుతుంది.
“వానమ్మ వానమ్మ వానమ్మ
ఒక్కసారన్నా ఒచ్చిపోవే వానమ్మా
చేలల్లో నీళ్లు లేవు
చెలకల్లో నీళ్లు లేవు
వాగుల్లో నీళ్లు లేవు
వంపుల్లో నీళ్లు లేవు
నిన్నే నమ్మిన రైతు కళ్లల్లో నీళ్లు లేవు.”
ఈ పాటలో వర్షం లేకపోవడం వల్ల ఏర్పడిన కరువు పరిస్థితిని కవి హృద్యంగా చిత్రించారు. పొలాలు, చెలకలు, వాగులు, వంపులు అన్నీ నీరు లేక వెలవెలబోతున్నాయి. వర్షాన్ని నమ్ముకున్న రైతు కూడా తీవ్ర ఆందోళనకు గురవుతున్నాడు. “నిన్నే నమ్మిన రైతు కళ్లల్లో నీళ్లు లేవు” అనే వాక్యం రైతు దుఃఖాన్ని ఎంతో ప్రభావవంతంగా తెలియజేస్తుంది.
రెండవ పాటలో వానను అందమైన ప్రకృతి దృశ్యంగా, ఆనందాన్ని కలిగించే అనుభూతిగా చిత్రించారు.
“వానా వానా తేనెల వానా
వానా వానా వెన్నెల వానా
కురవని కురవని
నే నిలువునా కరగనీ
పాప కంటి చూపులలో
పాల పంటి నవ్వులలో
బాల మేఘ మాలికలో
జాలువారు తొలకరిలో
తడిసి తడిసిపోనీ
మది మురిసి మురిసిపొనీ
తడిసి తడిసిపోనీ
ముడి బిగిసి బిగిసిపొనీ”
అంటూ వానను తేనెలతో, వెన్నెలతో పోల్చడం ఎంతో అందంగా ఉంది. “పాప కంటి చూపులలో, పాల పంటి నవ్వులలో, బాల మేఘ మాలికలో, జాలువారు తొలకరిలో” అంటూ వానను పిల్లల నవ్వులు, మేఘాలు, తొలకరి జల్లులతో అనుసంధానించారు. ఈ పాటలో వర్షం వల్ల కలిగే ఆనందం, ప్రకృతి సౌందర్యం, మనసులో కలిగే ఉల్లాసం వ్యక్తమవుతున్నాయి.
పాటలో వర్షం కోసం రైతు ఎదురుచూపు, బాధ కనిపిస్తే, రెండవ పాటలో వర్షం రాకతో కలిగే ఆనందం, ప్రకృతి సౌందర్యం కనిపిస్తాయి. కాబట్టి వర్షం కేవలం ప్రకృతి పరిణామం, అది మనిషి జీవితం, వ్యవసాయం, ఆనందం, ఆర్థిక పరిస్థితులతో ముడిపడి ఉన్న జీవనాధారం. ఈ పాటలు నీటిని సంరక్షించుకోవాలనే బాధ్యతను కూడా మనకు గుర్తుచేస్తాయి.
4. నేర్చుకున్న అంశాలు
వర్షం రైతులకు, ప్రకృతికి, మనుషులందరికీ ఎంతో అవసరమని తెలుసుకున్నాను. వానపాటల ద్వారా రైతుల బాధను, వర్షం వల్ల కలిగే ఆనందాన్ని తెలుసుకున్నాను. నీటిని సంరక్షించాలని నేర్చుకున్నాను.
5. ప్రదర్శన
“నేను సేకరించిన రెండు వానపాటలను చదివి వినిపిస్తాను. వాటిలోని రైతు బాధ, ప్రకృతి సౌందర్యం, వర్షం ప్రాధాన్యతను వివరిస్తాను.”
కామెంట్లు లేవు:
కామెంట్ను పోస్ట్ చేయండి